Ediziun Apart, 2016
Il segund cudesch dal musicist ed autur Benedetto Vigne sa basa sin la tradiziun narrativa giapunaisa dals haikus: el reunescha 111 poesias curtas da trais lingias. Cuntrari a l’original giapunais na tematisescha Vigne betg la natira e sias stagiuns, mabain impressiuns da l’agen mintgadi e da l’actualitad. Las poesias curtas rumantschas survegnan in’atgna furma cun las illustraziuns da Pia Valär.
Aus: Benedetto Vigne. diari giapunais - tschientedindesch haikus. Ediziun Apart, 2016
giardin giapunais
plain flurs e buccarias
genna averta.
spetgond la musa.
i passan mess d’amur e
pots da malaura.
en la sien turnan
bicicladas tras frantschas
lung sclusas, chastels.
utschels da marvegl.
melodi’da massa u
med dal silenzi?
il flum undegia
tras chanzun vespertina
colur verdarom.
