Chasa Editura Rumantscha, 2023
Ils elements centrals che caracteriseschan la lirica da Jessica Zuan èn puspè preschents en quest’ovra: las relaziuns tranter ils umans, l’ir e turnar ed il spetgar. Auter che en ils emprims cudeschs tschertga l’autura ussa in linguatg pli direct, cun vers pli armonics ed equilibrads. Las poesias emprovan da reproducir las repetiziuns, la monotonia e l’impussibilitad da fugir da quai che ans spetga. Ellas reflecteschan il basegn da chapir schabetgs e dumondas e tschertgan parallelas cun las idillas dal passà.
De: Jessica Zuan. Launa da pavagls. Chasa Editura Rumantscha, 2023
«Arda
Ad üna minalva
Flurescha flur escha,
eau schnu tieus fils fluraints.
Alva traunter petals scumposts da sögl spungia,
mê ova e mê terra ferma.
Flurescha flur escha,
nüvlas spasseschan passand.
Sdasda’t — eau schli tia bratscha illatscheda al let,
la s-charp, la s-charplin.
Petn tendramaing chavel per chavel
e sfrusch fil fraischel scu noss leivs.
Tratschoul ün pavagl, flur,
cun mauns chi ardan.»
