Chasa Editura Rumantscha, 2018
En «Davos ils mugrins» raquinta Leontina LergierCaviezel d’ina tragedia capitada en in vitg alpin che ha stremblì l’entira cuminanza. Anc onns pli tard n’èn bleras blessuras betg guaridas. La giuvna Andrea da la Bassa marida en il vitg e vul vegnir a savair dapli da la chaussa. Ella gughegia l’opposiziun cunter las reglas nunscrittas en in vitg dals onns 60. Quai ch’ella passenta, fa smirvegliar. Pir a la fin s’avra ina fanestra sin quai ch’è capità pli baud.
Aus: Leontina Lergier-Caviezel. Davos ils mugrins. Chasa Editura Rumantscha, 2018
Il currier veva anflau in muvel plein fom, las vaccas cun ivers pli che pleins e sin clavau pendeva Gionantoni giu da lattiu. Eris e steris. Tgei caussas! Igl accident giu casa fuss bein staus tragics avunda, era senza in suicidi si mises. La polizia veva investigau, mo para che negin veva giu rispostas che vessen saviu sclarir zatgei. Buc olma en vischnaunca vess saviu da gir ch’il pèr vessi zacu giu da parter in nausch plaid. Tuttavia buc.
